Konsert

NATTJAZZ 29. MAI

BILLY HART + JOHNNY LA MARAMA + GONZALO RUBALCABA TRIO + TORE BRUNBORG YM + BUS GOES LATINO + JAZZINTRO: TORSTEIN EKSPRESS OG HULLYBOO

BILLY HART
Då Otis Redding slo gjennom, sat Billy Hart bak trommene. Det same med Jimmy Smith, Wes Montgomery, og med Wayne Shorter og Joe Zawinul. Han var medlem av Herbie Hancock-sextetten frå 1969 og speler på «On the corner» med Miles Davis. Med så mykje jazzhistorie i blodet og nyetablering på ECM, er 73-åringen ein stadig vital og vesentleg del av den kreative musikkscena som utøvar og lærar. Med autoritet og store øyrer styrer han – og lar seg styre av – eit bunnsolid band med fridom, disiplin, teknikk og kreativitet.
BILLY HART trommer /ETHAN IVERSON piano /MARK TURNER saksofon /BEN STREET bass
http://billyhartdrums.com/

JOHNNY LA MARAMA
Johnny La Marama er ein ekstraordinær jazztrio med base i Berlin. I musikken smeltar avantrock saman med afrikanskinspirerte tonar, ofte improvisert, men heile tida med ein beat – ei slags virtuos, bisarr blanding av ny klassisk musikk, Drum’n’Bass, Beefheart og Zappa – og glimt i auget. 
KALLE KALIMA gitar /CHRIS DAHLGREN bass /ERIC SHAEFER slagverk

GONZALO RUBALCABA TRIO
Fyrrig latinsk blod, klassisk utdanning, «oppdaga» av Charlie Haden, amerikansk jazz, karibisk musikk, åtte Grammynominasjonar og tett samarbeid med Al Di Meola og Chick Corea. Som pianist er Gonzalo Rubalcaba garantist for melodi, rytme og spanande innhald. Gjennom å fusjonere afro-cubansk musikk med amerikansk jazz har han skapt eit friskt og moderne tonebilete der halsbrekkande teknikk lar seg kombinera med kolossal melodisk teft. Det kjem til å lukte svidd av flygelet i Røkeriet før denne konserten er over!  
GONZALO RUBALCABA piano / ARMANDO GOLA bass / ERNESTO SIMPSON trommer

TORE BRUNBORG YM
Eit praktverk laga i samband med Vossa Jazz sitt 40-årsjubileum, der ei handplukka gruppe musikarar møter kunstnarar med tilknyting til Voss. Musikken vekslar frå hylande stormkast i tunge groover til den vakraste og blåaste timen av dei alle, tett følgd av Dag Helleve sin ordkunst. «Om nokon skulle tvila på om Tore Brunborg fortener norsk jazz si høgste utmerking: prosjektet Ym var verd Buddy-prisen åleine!» (Avisa Hordaland) 
TORE BRUNBORG saksofon / PER ODDVAR JOHANSEN trommer / EIVIND AARSET gitar / STEINAR RAKNES bass / DAG HELLEVE tekstar / SVEINUNG IVERSEN biletkunst / TERJE NESTHUS video

TORSTEIN EKSPRESS
Jazzintro er eit lanseringsprogram for unge, profesjonelle jazzutøvarar, og blir arrangert annakvart år av Norsk jazzforum i eit samarbeid med Vossa Jazz, Maijazz, Nattjazz, Kongsberg Jazzfestival og Moldejazz. Torstein Ekspress speler i hovudsak låtar av Torstein, og desse hentar inspirasjon frå blant anna pop og kammerjazz. I møte med det akustiske og formatet blir resultatet et opent uttrykk som musikarane fritt boltrar seg i. Torstein Ekspress spelar frisk musikk med spenn frå fint og lågmælt til fengande og kult.
HANNA PAULSBERG saksofon / FREDRIK LUHR DIET RICHSON bass / HANS HULBÆKMO trommer /TORSTEIN LAVIK LARSEN trompet 

HULLYBOO
Jazzintro er eit lanseringsprogram for unge, profesjonelle jazzutøvarar, og blir arrangert annakvart år av Norsk jazzforum i eit samarbeid med Vossa Jazz, Maijazz, Nattjazz, Kongsberg Jazzfestival og Moldejazz. Trioen Hullyboo spelar lett slentrande musikk i rundkjøringa mellom jazz, blues og country. . Dei tre musikarane har bakgrunn frå jazzlinja i Trondheim, Musikkhøgskolen i Oslo og Griegakademiet i Bergen. Sidan starten i 2009 har Hullyboo turnert både innanlands og utanlands, og slapp i 2012 sin debutplate «Bønner og flesk» på Karl Seglem sitt plateselskap NORCD.
MARIUS KLOVNING gitar / BJØRNAR KALDEFOSS TVEITE bass / MATS MÆLAND JENSEN trommer

BUS GOES LATINO
Bergen Ungdomsstorband (BUS) vart etablert av Bergen Kulturskole i september 2005 og er eit tilbod til spesielt interesserte og talentfulle musikantar i Hordaland mellom 12 og 19 år. Kåre Kolve er mestersaksofonist, mellom anna med Lava, Mezzoforte og eigen kvartett. Med stor interesse for latinsk musikk tar Kolve med seg erfaringa frå Mambo Companeros inn i BUS og byr på ei historisk reise i kubansk storbandmusikk, frå 50-talet og Tito Puente og fram til dagens stil med Paquito Rivera og Arturo Sandoval. Energisk, rytmisk og intenst svingande
 

Tilbake til programmet

Billetter til arrangementer på USF kjøpes på forsalg eller i døren. Se informasjon i oppføringene til det enkelte arrangement. Bevegelseshemmede har egne parkeringsplasser foran bygningen og enkel adkomst til alle scenene. USF Verftet har ikke ansvar for salg eller refundering av billetter eller programendringer som arrangør gjør.