AL DE MEOLA WORLD SINFONIA
AL DI MEOLA gitar / KEVIN SEDIKI gitar / FAUSTO BECCALOSSI trekkspel / PETER KASLAS trommer
Frå bestseljarar som "Land of the midnight sun" og Elegant Gypsy" i starten på karriera, til "Friday night in San Fransisco" med John McLaughlin og Paco de Lucia. Frå å bli handplukka av Chick Corea som 19 åring til Return To Forever til sitt eige World Sinfonia. Det meste Al di Miola tar i blir til gull - han er kanskje den enkeltgitaristen som har betydd mest for den tekniske utviklinga av jazzgitar, med ekstremt hurtige og komplekse soloer og komposisjonar, men også med nase for god melodi og meir tradisjonelle musikkformer som til dømes flamenco. I 2000 forma han World Sinfonia, og etter fleire innspelingar, tallause prisar og seks millionar plater seinare er han framleis i stand til å utfordra seg sjølv og musikken sin.
http://www.aldimeola.com
http://www.myspace.com/aldimeolatest
...........................
CHARLIE HADEN QUARTET WEST
NB: AVLYST NB: AVLYST NB: AVLYST
CHARLIE HADEN bass / ERNIE WATTS saksofon / ALAN BROADBENT piano / RODNEY GREEN trommer
Frå Ornette Coleman til Pat Metheny, frå Keith Jarret til Norah Jones - Charlie Haden har spelt det meste med dei fleste. Han har vore ei viktig brikke for utviklinga av den moderne jazzen, og har etterkvart integrert tradisjonsmusikk og country i musikken sin. Quartet West har vore eit sentralt ensemble for Haden i tre tiår no, der han dyrkar eit melodiøst og vakkert jazzuttrykk. Fredrik Wandrup i Dagbladet: "Ingen tar bedre vare på jazzromantikken fra 1940- og 1950-tallet enn Charlie Haden, som i 25 år har dyrket melodiøs whisky- & sigarstemning."
http://www.charliehadenmusic.com/
.........................
SISSEL ENDRESEN & STIAN WESTRHUS DUO
SIDSEL ENDRESEN vokal / STIAN WESTERHUS gitar
Vokaldronninga møter gitarprinsen. Sidsel Endresen er vår leiande stemmekunstner, og ho har forska på stemmen som instrument i tre tiår. Når ho syng har ho utvikla ein heilt personleg og særeigen stil, og er sjølv vant med å opptre utan å la seg binde av regler enten dei er språklege eller songtradisjonelle. Travle Stian Westerhus deler seg for tida med mellom anna Monolithic og Nils Petter Molvær. Som konstruktør av dei mest særegne lydlandskapa i gitarverda eignar han seg perfekt som medspeler saman med Noregs vokaldronning. Gå ikkje glipp av denne sjansen til å høyra to av våre mest spanande improvistørar i unikt samspel.
http://www.myspace.com/sidselendresen
http://www.stianwesterhus.com/
....................
TIGRAN HAMASYAN
Vidunderbarn med overjordiske improvisasjonsevner. Allereie som toåring viste Tigran ei ekstraordinær interesse for musikk, og var meir opptatt av pianoet og bandspelaren enn av vanlege leikar. Då han var tre spelte han etter Led Zeppelin-låter og som sjuåring oppdaga han jazzen. Tigran er ein uvanleg begava pianist som er like inderleg og kreativ som han er vituos. Å sjå han spele piano er som å observera ei naturkraft, og han kan røra deg med vakre melodier, men også få deg til å mista pusten med ekstremt teknisk krevande musikk.
http://www.tigranhamasyan.com/
http://www.myspace.com/tigranhamasyan
...............................
TORUN ERIKSEN
"Skal musikken i jazzlandet komme vidare, treng vi stemmer som Torun Eriksen" skreiv Dagsavisens Roald Helgheim etter å ha høyrd debutalbumet Glittercard i 2003. Han var ein av mange som lot seg bergta av Torun Eriksen si stemmeprakt.
I eit land med lang tradisjon for kvinnelege jazzsongarar skiljer Torun seg tydeleg ut med vokal forankring i svart musikk og i ein amerikansk singer/songwriter-tradisjon med god melodi, ei musikalsk forteljing og ei lyrisk stemning. Om låtane er skrivne innanfor velkjende rammer byr musikken likevel på gylne moment av overrasking, gjerne der ein minst ventar det. Med seg har ho eit tettspelt band med leikent og groovy touch, delikate arrangement og sterke individuelle prestasjoner.
http://www.myspace.com/toruneriksen
::::::::::::::::::::::
Se også www.nattjazz.no for arrangementsinformasjon og billettpriser.
Kontakt Nattjazz for eventuelle spørsmål om arrangementet.
