Farmers Market

Det er lite i verda som kan overgå ein konsert med Farmers Market. Med halsbrekkande teknikk, eit smittande humør og eit par av Noregs mest morosame personar på scena, er bandet blitt synonymt med skeive taktartar og musikalsk galskap. I 2016 feirar dei sølvbryllaup, jubileet skal brukast til å ausa ut gamle hits – i løpet av 25 år er det blitt 5 plater og 2 Spellemenn – så vel som framtidige favorittar.
Repertoaret består av høgenergisk musikk, med bulgarsk folkemusikk som inspirasjon. Dette vert krydra med spontane musikalske distraksjonar og ein hybrid dei sjølv kallar pepsodentisk speed-balkan-boogie med cowboyakkordar. Trekkspelspelar og multiintrumentalist Stian Carstensen er midtpunktet i bandet, og saman med sine durkdrivne kumpanar bergtar Farmers Market publikum med musikk der det meste er lov, berre det går fort nok.