KAMASI WASHINGTON saksofon / CAMERON GRAVES flygel / BRANDON COLEMAN tangentar / MILES MOSLEY bass / STEPHEN BRUNER bass / TONY AUSTIN trommer / RONALD BRUNER JR trommer
Kamasi Washington tilhøyrer ein generasjon med musikarar som er like heime i hip hop og rock, som i jazztradisjonen. På den eine sida jobbar han i studio med Kendrick Lamar og Stanley Clarke, og turnerer med Snoop Dog, Chaka Khan og Raphael Saadiq. På den andre spelar han sjølv inderleg jazz i tradisjonen etter Ornette Coleman og John Coltrane. No er det på tide å la den mest spanande løyndommen i Los Angeles visa at han er ein saksofonist i verdsklasse. Virtuost og tilgjengeleg, funky og svingande – fortid, samtid og framtid i same konsert.
«In short, Washington has managed to create an album of stunning beauty and vitality. I’d argue that it is the best jazz release since Miles Davis’s Bitches Brew. And, more than that, it may be the best album, in any genre, of this millennium.» (Reverbpress.com)
