Kika
Her møter vi underlege menneske i ei vanvittig historie i Madrid. Kika - ei sminkøse med pipestemme i slutten av tredveåra gir namnet til filmen. Ho blir beden om å sminke Ramon - den døde stesonen til Nicholas - ein amerikansk forfattar. Men etter kvart som Kika legg pudder på stesonen får han farge i andletet og livnar til igjen.
Ei stund seinare kjem forfattaren tilbake til Madrid, og då er Ramon og Kika sambuarar og Nicholas får bu i huset deira. No blir det sjølvsagt forviklingar. Kika og Nicholas er elskarar, men Kika er slett ikkje den einaste som er på besøk hos Nicholas. Ei anna sentral rolle i filmen spelast av Victoria Abril. Ho er råtøff programleiar for eit tv-program for makabre nyhende, og ho skyr ingenting for å få tak i dei mest grufulle sakene. Ho køyrer omkring i eit fantastisk kostyme med kamera på hjelmen.
Den fantastiske dama med nasa (Rossy de Palma) er sjølvsagt også med i denne filmen som så mange andre av Almodovar sine filmar. Ho er den lesbiske hushjelpa som ikkje har hatt sex med andre enn den tilbakeståande bror sin – og det var berre for å hindre han i å gå laus på jentene i landsbyen etter at han hadde valdtatt alle kyrne og sauene i distriktet. Broren dukkar sjølvsagt også opp i ei scene i filmen – og sjeldan har valdtekt på film vore så morosamt!
Trondheim filmklubb